Mga Manununod Sa Uniberso

Mga Manununod sa Uniberso

(Pagsulat dayon Niya sa titulo diha sa pisara, ang nanambong naghugyaw ug namalakpak nga kusganon kaayo)

Ako nakatagbo kaninyo sa unang higayon, sulod sa pito ka bulan.

Mga Manununod sa uniberso
[Apan sa dihang nakita siya sa mga saop, sila nangatarungan sa usa’g usa nga miingon, “Mao kini ang manununod, Dali kamo, patyon nato siya, aron nga ma-ato ang mga panulondon.” Busa sila mi-itsa kaniya pagawas sa kaparrasan, ug gipatay siya.] (Lucas 20:14, 15) Mao kining paagiha nga gipatay ang unang miabut nga Anak. [… ug unya… ang agalon sa parrasan … maga-abut (sa katapusan) ug molaglag niining mga saop (mga mamumuno)….] (Luc 20:15,16) Karon Ako nahiabut aron wagtangon kining mga peste. (Nanambong "Amen" ug namalakpak) [Ikaw ang Akong Anak (nga mga manununod) ... Akong ihatag ang kanasuran aron mahimo Nimong panulondon; ug... aron Imong panag-iyahon.] (Sal. 2:7,8)

Kini ang bahin nga imong madawatan. Wala nay angay pa nga ipatin-aw, ‘duna pa ba? Nan kung mao, niining tungora, ingon nga mga manununod, bisan pa kon silang tanan mga kaanakan man, kinahanglan nga ikaw mahimong kwalipikado. Alang sa mausikon nga kaanakan, dili sila maka-panunod sa trono, o mahimong makadawat sa kabilin nga panulondon.

Ang Katawhan ni Moises nga Dili-Kwalipikado
[Mga butang nga kahibulongan maoy Iyang gibuhat, diha sa mga pagtan-aw sa ilang mga amahan, didto sa yuta sa Egipto, sa kapatagan sa Soan. Gipikas Niya ang dagat, ug Iyang gipa-labang sila; ug Iyang gipatindog ang mga tubig ingon sa usa ka pinundok.
Sa adlawan usab gi-giyahan Niya sila pinaagi sa usa ka panganod, ug sa tibuok nga gabii pinaagi sa usa ka kahayag sa kalayo.
Gipikas Niya ang mga dagkung bato sa kamingawan, ug gipainum Niya sila nga madagayaon ingon nga gikan sa mga kahiladman. Gikan sa mga dagkung bato usab mipabul-og Siya ug mga tubod sa tubig, ug gipa-agay Niya ang mga tubig ingon sa mga suba.
Ug sa gihapon, nagpadayon sila sa dugang nga pagpakasala batok Kaniya, pinaagi sa pagsukol batok sa Hataas Uyamut didto sa kamingawan. Ug ilang gisulayan ang Dios diha sa ilang kasingkasing pinaagi sa pagpangayo ug makaon sumala sa ilang kaibog.
Ug mingsulti sila batok sa Dios; nga sila miingon, “Arang ba ang Dios makatagana ug usa ka lamesa dinhi sa kamingawan?” Sud-onga, Siya mihapak sa bato, sa pagkaagi nga ang mga tubig mingbaha, ug ang mga sapa nag-awas’awas. “Arang ba usab Siya makahatag ug tinapay? Makatagana ba Siya ug unod para sa Iyang katawhan?”

Busa si Jehova nakadungog, ug naligutgut; busa mi-silaub ang usa ka kalayo batok kang Jacob, ug ang kasuko usab misaka batok sa Israel, tungod kay sila wala man motoo sa Dios, ug wala mosalig sa Iyang kaluwasan; bisan pa niana, Iyang gisugo ang kalangitan sa itaas, ug gibuksan Niya ang mga pultahan sa langit; ug Iyang gipaulan ang manna aron kaonon nila, ug Siya mihatag kanila sa mga lugas sa kalangitan. Ang tawo mikaon sa tinapay sa mga manolunda; Siya nagpadala kanila sa karne hangtud sa pagkabusog.
(Usab) Iyang gipahuros ang silangang hangin sa kalangitan; ug pinaagi sa Iyang gahum Iyang gipasulod ang hangin sa habagatan, ug Iyang gipaulan usab kanila ang unod ingon sa abog, ug mga langgam nga pak-an ingon sa balas sa kadagatan; ug kini Iyang gipatugpa sa kinataliwad-an sa ilang kampo, sa palibut sa ilang mga tolda. Busa nangaon sila ug nangabusog kaayo; kay gihatag man Niya ang ilang kaugalingong tinguha.

Wala kuhaa gikan kanila ang ilang mga gikaibogan, apan samtang ang ilang kalan-on diha pa sa ilang mga baba, ang kaligutgut sa Dios misaka batok kanila, ug gipatay ang mga labing tambok kanila, ug gipanghampak sa pagtumba ang mga batan-ong kalalakin-an sa Israel. Kay bisan pa niining tanan, sila nanagpakasala sa gihapon, ug wala managpanoo sa Iyang mga katingalahang buhat. Tungod niini, Iyang gitapus ang ilang mga adlaw sa kakawangan…] (Sal 78:12-33)

Ang usa ka panulondon igahatag lamang kon adunay pagsaligay taliwala sa mga ginikanan ug kaanakan. Kon dili sila makasalig sa ilang mga ginikanan nga sama niini, nga kanunay mohimo sa matahapon nga pagpamulong ug mobudhi kanila, nga maka-menos kanila ug motagad sa ginikanan uban sa pagtamay, nan, sila dili kwalipikado nga modawat sa bisan unsa nga panulondon, dili ba ingon niana? Apan adunay usa taliwala kanila kinsa angayan nga modawat sa panulondon.
[Apan ang Akong alagad nga si Caleb, tungod kay siya adunay lahi nga espiritu sa sulod niya, ug nagsunod Kanako nga bug-os gayud, dalhon Nako siya sa yuta (sa saad) nga maoy iyang pag-adtoan. Ug ang iyang kaliwat maoy mopanag-iya niini.] (Num 14:24)
Apan taliwala kanila, si Caleb ug Josue [adunay lahi nga espiritu sa sulod (nila.)] Sila adunay pagsalig sa Dios. Sila wala gayud milihok sa pagbudhi. Sila angayan nga modawat sa panulondon, sakto ba? (Nanambong “Amen)

[Ug Akong laglagon kadtong mitalikod gikan sa pagsunod kang Jehovah, ug kadtong wala mangita kang Jehovah o nangutana mahitungod Kaniya.] (Sof 1:6) Nahisulat nga kadtong motalikod gikan kang Jehova, paga-laglagon. Apan alang kanila, kini mahimong hilabihan ka malisud, ug hilabihan ka miserabli ang pagkinabuhi nga mag-inusara.
Mao kanay hinungdan nga si Satanas determinado nga hangtud sa kahangturan, himoon kining yutaa nga ma-iya. Pinaagi sa pagpasipala sa Dios, nga siya motukod sa iyang gingharian dinhing dapita. Apan sanglit kini nga mga manununod mitungha na man, unsay iyang mahimo mahitungod niini? Syempre pa, wala siyay laing mahimo apan buhaton ang tanan’tanan nga iyang mahimo aron pamatyon sila.

Si Satanas nga Nagtinguha sa Pagpatay sa mga Manununod
Kadtong sama kang Caleb nga nag-angkon sa lahi nga espiritu – kadto sila nga maoy manununod sa langit ug sa uniberso – maoy sigurado gayud nga motungha. Kini nga katawhan kumpleto gayud nga lahi gikan niadtong mga nagbudhi, sama sa Israel. Ug busa, ang katawhan nga sama kang Caleb, padayon nga magatungha. Kinsa ang mitungha?
Ang usa kansang kasingkasing- lahi, sama kang Daniel, sakto ba? Ug mao kanay hinungdan nga sumala sa inyong nasayran na kaayo, si Satanas nagtinguha sa bug-os gayud nga patyon si Daniel sa labing mangilngig nga pamaagi, pinaagi sa paghimo kaniya nga pagkaon sa mga leyon. Kini tungod kay siya man ang manununod, ang usa kinsa miabut aron ilogon ang yuta ni Satanas. Ingon man usab, para sa tulo ka mga higala, ang hudno gihimo nga pito ka pilo nga mas init pa, uban sa nagsalimuang nga pagtinguha nga sa labing sigurado gayud pamatyon sila. Ug unya, ang misunod mao si Mardocheo. Adunay entablado sa pagbitay nga adunay tungkod nga 50 ka maniko ang gitas-on, nga mokabat sa 22 ka metro. Kung kini 22 man ka metro, kini nagkahulogan nga makita kini gikan sa halayo ug halapad, kutob sa mahimo niini nga gilay-on. Ingon niana ka daku ang pagdumot ni Satanas sa mga manununod. Sa iyang mga mata, ang usa ka manununod mao ang iyang hingpit nga kaaway. Kini tungod kay ang ilang pagka-manununod mo-ilog man sa iyang yuta ug sa iyang gingharian.
Sunod, adunay Pedro. Unsa ang hilabihan nga pagdumot kaniya, pinaagi kang Herodes. Sa una, kung mosulod kamo sa prisohan, adunay upat ka mga armado nga mga gwardya sa prisohan nga nagbarug alang sa pagbantay. Ug unya, kung makalabay kamo sa unang ganghaan nga agi-anan, adunay una nga pultahan nga puthaw ang selda, ug kung molabay kamo niana, adunay dugang pa nga upat ka mga armado nga mga gwardya sa prisohan, nga adunay mga hinagiban sa ilang mga kamot. Ug unya, kung molabay kamo latas sa pagsulod sa ikaduha nga puthaw nga de-kabilya nga pultahan, adunay lahi na usab nga upat ka mga gwardya. Dugang pa nga upat ka gwardya ang ma-anaa usab sa ikatulo nga pultahan. Ug sa katapusan, si Pedro gi-hiktan ug gi-posasan ngadto sa armado nga gwardya diha sa matag kilid niya. Sa laing pagkasulti, dili gyud siya maka-ikyas, gawas kung usa siya ka diosnong pumuluyo. Unsa gyud kaha ang pagdumot ni Satanas nga gibutangan man siya ug 18 ka mga gwardya, aron nga dili gyud siya maka-ikyas, kay determinado si Satanas nga pamatyon kini nga mga manununod bisan unsa pay mahitabo.
Apan sa tunga’tungang gabii, ang tanang mga pultahan kumpleto gayud nga nanga-ablihan, nga walay tingog. Ug bisan ang mga posas nga nag-higut kang Pedro ngadto sa duha ka mga gwardya, maoy nahubad nga nanga-hulog. Samtang ang manolunda mi-giya kaniya, misunod si Pedro, ug nahisulat nga usa kadto ka sinati nga agi-anan nga pirme gi-agian ni Pedro sa panahon sa iyang pag-ministeryo, diin diha siya gigiyahan sa manolunda.
Sa panahon nga sila miabut na sa katapusan, aron guyoron na si Pedro ug bitayon na, apan nawala na siya. Mao kadto ang buhat sa Dios, bisan unsaon pa ninyo pagtan-aw niadto; walay tawhanon ang maka-tuman niadto. Apan si Herodes nagtagad niana uban sa pagtamay, mahitungod sa pagbuhat sa Dios, ug hinonoa, mi-akusar sa mga gwardya nga nagtamhangan sila sa ilang mga katungdanan, ug gipapatay silang tanan. Mao kadto ang direkta nga pagpasipala batok sa Dios. Mao kadto ang kalagot ni Satanas alang sa mga manununod.
Apan unya, nianang dapita diin daghan ang nanagkatigum, sa dapit nga si Herodes mohimo na sa paghalad kang Pedro ingon nga sakripisyo alang nianang engrande nga kombira, sanglit ang halad mikalagiw na man, si Herodes naglingkod na lang sa iyang trono. Ang katawhan nagtan-aw kang Herodes nga naglingkod didtong dapita, uban sa iyang nagsidlak’sidlak nga sapot ug sila napuno sa pagdayeg, “Ohhhh, ahhhh.” Si Herodes maayo ‘sab kaayo manulti. Sanglit namulong man siya nga hilabihan ka maayo kaayo, sila mosinggit nga, “Wow, usa siya ka dios!” Ug busa, siya sa iyang kaugalingon naglihok nga daw siya tinuoray nga usa ka dios, nga miingon, “Ah, sakto kana.” Apan sa diha nga anaa pa siya sa iyang labi ka kuntento nga pagka-mapahitas’on, nga ang diosnong pagsilot nahulog. Kalit lang nga gikan sa lawas sa usa ka buhi nga persona, ang mga ulod nagsugod sa pagkamang’kamang pa-gawas kaniya, ug nagpunsisok diha kaniya hangtud sa iyang kamatayon. Niining paagiha, nga si Satanas kanunay nga nagkagot sa iyang mga ngipon nga nagtinguha nga mopatay sa kada manununod. Bisan pa niana, walay bisan usa ka hitabo sukad, nga kini nasubay sa plano ni Satanas. Ang tanan’tanan nahitabo nga pinasubay sa kabubut-on sa Dios. (Nanambong “Amen)
Sanglit si Daniel gi-itsa man ngadto sa yungib sa leyon, mao nga dili siya maka-gawas. Ug kanang nag-dilaab nga hudno nga gihimong pito ka pilo nga mas init pa – nga bisan ang katawhan nga maoy mi-labay sa tulo ka mga higala, sila nangamatay gumikan sa paghimo niana. Ingon man usab, kanang tungkod alang sa pagbitay kang Mardocheo, aron patyon siya, nga kana gi-isa ngadto sa kinatas-an. Uban kang Pedro, nga nahimong binihag nga sa hilabihan gayud, dili siya maka-ikyas kon dili pa siya diosnon nga pumuluyo; wala ganiy bisan usa ka langgam nga maka-ikyas gikan dihang dapita. Siya gi-posasan sa matag kamot niya. Ang pagpakig-sangka man usab ni Elias didto sa Bukid sa Carmel – niining paagiha, nga si Satanas nagtinguha sa bug-os gayud nga pamatyon silang tanan, apan walay bisan usa ka persona nga napasubay sa iyang gi-plano, maingon nga ang tanang mga manununod nakapabilin man nga buhi. Silang tanan mi-barug aron mahimong bulahan nga mga anak, nga maoy mopanunod sa uniberso. (Nanambong “Amen” ug namalakpak)

Nagtinguha pa Gani sa Pag-daut sa Agalon, nga Anak sa Tawo

Dili ba nga nasulat man nga ang katapusang Dios maoy moabut aron mopahamtang-silot ngadto sa usa nga miguyod’guyod ug mipatay sa unang Anak? Apan sa diha nga ang Agalon, ang Anak sa Tawo nahiabut, kining demonyo nagsulay pa gani sa pag-gun’ob sa Anak sa Tawo. Nasayud na kamo kung nganong Ako nahiabut, dili ba? Ako miabut aron dakpon kadtong mga salbahis nga mipatay sa Manununod. (Nanambong “Amen” ug namalakpak)
Sa pag-adto Nako sa pag-serbisyo sa militar, dili ba nga ang Koreano militar usa man ka daku kaayo nga kasundalohan nga naglangkob sa 600,000? Anaa Siya diha nga naghulat Kanako, tapus gi-usab ang balaod sa militar para sa 600,000 nga tropa. Sila na-anad na nga mo-kulata sa mga sundalo nga hilabihan gayud, niadtong panahona. Sa bisan unsang bahina, adunay katawhan nga hilabihang nadagmalan diha sa militar, ug sila misangko nga na-kimpang. Ang akong mga kuya – ang Akong kamagulangan nga kuya nga mipanaw na – sa diha nga miadto sila para mo-serbisyo sa militar, sila mi-kulata sa katawhan nga hilabihan gayud niadtong panahona, mao nga aduna niadtong nanga-kimpang, ug ang uban, tapus nakulata nga hilabihan gayud, sila naghikog pa gani. Apan sa diha nga panahon na Nako nga moadto na, si Appa anaa diha nga naghulat Kanako tapus na-kumpleto ang pag-usab sa balaod militar. Iyang gi-siguro nga walay usa nga maka-tandog niini nga Anak.
Ingon man usab, sa diha nga Ako kalit lang nga mipadulong sa prisohan. Ang atong kaigsoonan miadto uban Kanako, walay usa nga nag-suspetsa sa usa ka butang. Apan sa dihang misulod na Ko sa prisohan, si Appa nag-pahimangno na daan sa pangulo sa selda sa maong lawak, “Ayoha Siya sa pagtuboy huh.” Sa prisohan, ang pangulo sa selda mao ang hari, apan sanglit siya nagtuboy man Kanako nga sama niana, mao nga walay usa nga naka-pangahas sa pagtandog Kanako. Sila miingon nga kinahanglan nga mohulat ka ug duha ka bulan, aron nga makahimo sa pagsugod lang gani sa pagpaduol nianang pangulo sa lawak nga selda. Apan sanglit kanang pangulo sa lawak nga selda nagpalingkod man Kanako nga tupad gyud kaniya, nga nagsulti Kanako nga kinahanglan ma-anaa tupad kaniya, syempre walay usa nga naka-tandog Kanako, bisan gamay. Walay usa nga naka-tunglo Kanako o nakasulti sa bisan unsa nga walay pag-amping dinhi Kanako.
Ingon man usab, sa pag-adto nako sa kaaway nga nasud, (ang China,) sila nasayud na nga Ako mosulod na sa ilang nasud. Sa diha nga miadto ko sa paglibut’libot sa Pilipinas, sila naghulga na nga mopatay Kanako, kon Ako moadto sa China, diin naghulat sila Kanako didtong dapita. Ug sanglit miadto man Ko didto tapus nagmantala sa kalaglagan sa China, apan naka-kuha na sila niana nga mensahe, ug hilabihan gayud nga nangita sila aron mapatay kining pangulo sa relihiyon, kon Ako makasulod na sa nasud. Mao kanay hinungdan nga kon sila mo-gukod Kanako diha sa ‘airport,’ Ako dili makahimo sa pagsulod sa nasud, ug busa, sila tinuyoan nga nagpasumangil nga ignorante kung kinsa Ako, aron sa tumong nga makasulod Ko ug masikop ug madakpan Ko.
Apan unsay gisulti ni Appa? “Walay usa nga maka-tandog sa Akong Anak.” Mao kana ang Iyang gisulti. (Nanambong “Amen” ug namalakpak) “Hinaut nga ang tibuok kalibutan magpabilin nga magpuyo lang atubangan sa Akong Anak.” Ug tungod kay Siya namulong man niana, walay usa gani nga makahimo sa pag’ tig-ik. Ang 50 ka milyon nga mga pulis komunista ug ang tibuok China – kanang Jiang Zemin niadtong panahona, naglukso’lukso pataas ug paubos uban sa pag-salimuang. Sila hilabihan gayud nga nanglimbasug nga mopatay una Kanako, sa diha nga Ako madakpan na, bisan unsa pay mahitabo, mao nga ang mga balaod internasyonal o ang mga sibyahan, wala na gitagad bisan gamay. Busa, ang katawhan natingala kung ngano nga siya nahisama man niana. Apan si Appa tataw gayud nga nagpakita Kanako, nga ang ulo ni Jiang Zemin, maoy iya nianang halas. Gipadayag kadto Kanako diha sa panan-awon, nga siya usa lamang ka daku nga ulo sa serpenti. Apan sanglit si Appa mihatag man sa mga pahimangno nga “Walay usa nga maka-tandog Kaniya. Hinaut nga ang tibuok kalibutan magpabilin nga magpuyo lang,” mao nga walay usa nga nakahimo sa pagtandog Kanako. Ako naglakaw’lakaw dinhi ug didto ug migula nga nag-awit lang.
Walay bisan unsa nga nahitabo nga napa-subay sa gi-plano sa demonyo. Busa pagkinabuhi lang ug ayaw paghunahuna mahitungod kang Satanas. Ako nagalaum nga kamo magkinabuhi uban sa matahum nga mga kasingkasing, nga [lahi ang espiritu kay sa uban.] (Nanambong “Amen” ug namalakpak)
[Ang usa ka babaye makalimot ba sa iyang nag-totoy nga anak, nga siya dili ba diay malooy sa anak sa iyang tagoangkan? Oo, mahimong sila makalimot man, apan, Ako dili gayud makalimot kanimo.] (Isa 49:15)
Ang usa ka babaye mopanganak sa usa ka anak pinaagi sa iyang tagoangkan, ug ang atong Appa nagpanganak man usab kanato pinaagi sa Iyang tagoangkan. Apan bisan pa kon ang usa ka babaye makalimot man, miingon Siya nga Siya dili gayud makalimot kanato, tungod kay “Ang Akong paghigugma lahi man sa gugma sa pisikal nga inahan.” Sanglit Siya nagluwas man kanato uban sa hilabihan ka dakung pagsakripisyo, bisan tuod kon kini pupareho lang nga pagpanganak pinaagi sa tagoangkan, apan ang Iyang paghigugma lahi kay sa tagoangkan sa usa ka babaye, o gugma sa usa ka inahan. Mao kanay hinungdan nga ginaingon nga Siya nahigugma kanato nga hilabihan gayud, ug dili gayud mobiya nga kita mapasagdan lang, bisan sa usa ka daklit. Busa dili kinahanglan nga kamo magduha’duha, dili-mosalig, mobudhi o mo-bagulbol nga sama sa mga Israelinhon.

[Si Efraim ba, (ikaw ba) ang Akong pinalangga nga anak? Siya ba ang kalimutaw sa Akong mata, usa ka makapahimuot nga anak?] (Jer 31:20, Korean Joint Trans.) Asang dapita ba nga adunay bisan kinsa nga anak, nga dili makasakit kung itusok siya sa inyong mata? Bisan kung ang dyutay nga butang mosulod sa inyong mata, kini dili-maagwanta ug kinahanglan nga buhaton ninyo ang bisan unsa nga inyong arang mahimo, aron nga mapa-gawas kana. Apan Siya namulong niini dinhi kanato, uban sa tanang pagka-sinsero. Ang atong Dios dili gayud mamakak.

[…gikan sa Amahan sa mga kahayag (sa gugma ni ChinAppa,) kinsa walay pagka-usab ni anino sa pagka-utro.] (San 1:17) Pinaagi sa gugma sa atong Appa, nga walay landong sa pagka-utro. Sama sa usa ka landong, nga kini dili gayud mabawog bisan sa kinagamyang bahin. Kini ang tukma nga puparehong butang.

[Si Jesu-Kristo (ang gugma ni ChinOmma) pupareho lang kagahapon, ug karon ug hangtud sa kahangturan.] (Heb 13:8)

[Sa panahon nga ang akong (pisikal nga) amahan ug akong inahan mosalikway man kanako, nan, si Jehova maoy mokupot sa pag-isa kanako.] (Sal 27:10)

“Oh ang eternal gayud, mapadayonon nga paghigugma sa Akong ChinBumonim, kinsa dili gayud mobudhi Kanako, sa walay pagsapayan kung unsa nga krisis ang mohapak!”Sa una Nako nga pagsugod sa Akong pagtoo, naghunahuna Ko nga Ako mamatay kon moadto Ko sa gawas. Kanunay lang Ko nga nagpuyo sa balay sanglit ang Akong lawas hilabihan man ka luya. Dili gani Nako makaya ang Akong kaugalingon nga mokaon sa balay sa usa ka higala. Sanglit ang usa ka persona nga sama niana maoy kalit lang nga napalayas sa balay, wala Ko masayud kung asa kaha Ko mopadulong. Apan mao kadtong panahona nga kini nga Pulong midangat Kanako. [Sa panahon nga ang akong (pisikal nga) amahan ug akong inahan mosalikway man kanako, nan, si Jehova maoy mokupot sa pag-isa kanako.] (Sal 27:10) Bisan makausa, wala gayud Siya motugot nga matulog Ko ilalum sa balisbisan sa lahi nga tawo, ug bisan makausa, wala gyud Ko gitugotan nga masipyat Ko bisan usa ka tingkaon. Gibansay lang Ko NIya aron sa tumong nga magamit Ko Niya, ingon nga Anak nga sama niini.

Ang mga Mabudhion Tanan Dili-Kwalipikado

“Ang mga tawhanon kanunay nga nagbudhi. Sila mobudhi nga moingon nga dili sila kakita sa Dios. Sila mobudhi nga moingon nga dili Siya makatoo Kaniya. Sila mobudhi kung dili na maayo ang mga kakulian o mga sitwasyon. Sila mobudhi kung mo-atraka na ang mga kaaway. Sila mobudhi kung ang kadatu ug pag-uswag ginahatag. Sila mobudhi kung ang mga tubag sa ilang mga pag-ampo ma-ulahi na. Sila mobudhi kung ang providensya malangan na.”

Tinuoray gayud nga daw adunay hilabihan ka daghan nga mga rason, aron mo-budhi. Sila mo-budhi tungod kay dili sila kakita sa Dios. Ug sila moadto sa uban, ngadto sa ilang mga kabit. Ug moingon sila nga dili sila makasalig Kaniya. Unsaon man nila sa pagtoo kung dili sila kakita? Ug mao nay hinungdan nga sila mo-budhi. Sila mo-budhi tungod kay dili na maayo ang mga kakulian. Sila mo-budhi tungod kay dili sila maka-sulbad sa usa ka butang. Sila mo-budhi kung ang mga kaaway mo-sulong na. Ug kung hatagan sila sa kadatu ug pag-uswag, sila mo-budhi tungod kay sila nabusog ug natagbaw na. Mao nay hinungdan nga dili gani sila mahatagan sa kadatu ug pag-uswag. Sila mo-budhi tungod kay ang tubag sa ilang mga pag-ampo, na-ulahi. Sila mo-budhi tungod kay ang providensya nalangan.
“Kadtong mosalibay sa ilang mga ChinBumonim nga sama sa karaang sapatos sa matag higayon nga kini maka-hatag kasayon para kanila, ug unya, sila mokalagiw, sila mga chinjanyodeul lamang sa pangalan, sa kamatuoran, sila mga mabudhion nga dili kasaligan.” Bisan niining mga adlawa, kamo nanag-antus sa hilabihan gumikan niadtong mga mabudhion dili ba? Silang tanan mga katawhan nga nakig-uban kanato dinhi, sa usa ka panahon. Ug kita wala gayud misakit kanila sa bisan unsang paagiha. Apan sila migawas ug nanumpa sa ilang pagka-maunongon ngadto sa mga demonyo, nga sila nahimo nilang tuong bukton.
“Sila ang mga mabudhion nga wala ganiy bisan sama sa ikog sa ilaga nga pagka-maunongon. Sila mobiya kon daw wala nay ma-ganansya gikan sa ilang mga ChinBumonim. Sila molakagiw palayo kung daw ang Doalnara magun-ob na. Wala Ko masayud kung sa unsang paagiha nga sila tukma man gayud nga nahiliwat sa ilang mga katigulangan. Daw ang ilang mga katigulangan mibalhin dinhing dapita.
Sila walay sama-sa-ikog sa ilaga nga pagka-maunongon. Kinahanglan nga ma-adunay pagka-maunongon taliwala sa amahan ug anak, ug taliwala sa manag-higalaay. Apan sila nagbudhi nga sama niana. Ug karon, sila midikit na sa kiliran sa demonyo, ug nag-yaga’yaga na kanato. Kung daw wala nay bisan unsa nga ma-ganansya gikan sa mga ChinBumonim, sila mobiya na. Sila paspas nga mo-budhi kung daw ang Doalnara mapukan na ngadto sa pagka-gun’ob. Unsa gyud diay sila ka mga igmat.
“Unsaon kaha sa atong mga ChinBumonim ang pag-gakus ug pag-halog sa katawhan nga sama niini? Unsaon kaha Nila ang pagpuyo kauban niana nga klase sa mga pumuluyo diha sa usa ra ka balay alang sa walay katapusan? Sila bug-os gayud nga mga kataw-anan nga mga mabudhion kinsa kahibulongan kaayo ang ka-hanas sa pagbudhi.”
Puede ba kamo maka-kinabuhi uban niana nga klase sa katawhan? Kamo maka-gakus ba sa katawhan nga sama niini? Kamo maka-puyo ba kauban kanila diha nianang eternal nga puloy-anan? Dili puede. Sila mao mismo ang mibiya nga sama niana; ang Dios walay-pagka’usab sa kanunay.

Kadtong Nagpabilin Hangtud sa Katapusan
[Kay mao kini ang gipamulong sa Ginoong Jehova, ang Usa nga Balaan sa Israel, nga sa pagpauli (ug dili mo-budhi) ug sa pagpahulay, nga kamo mamaluwas; ug diha sa pagka-hilum ug paglaum nga kana mahimo ninyong kusog. Apan kamo dili ganahan. Apan kamo miingon, Dili; kay kami molakagiw man pinaagi sa kabayo. Tungod niini, kamo mokalagiw. Ug kamo moingon, ‘Kami mosakay nianang (mas) paspas pa;’ tungod niini, kadtong maga-gukod kaninyo mahimong mas paspas.
Ang usa ka libo maga-kalagiw pinaagi sa usa ka pagbadlong; ug sa lima ka pagbadlong nga kamo mokalagiw, hangtud nga kamo mahabilin ingon nga usa ka tungkod ibabaw sa tumoy sa bukid, ug ingon nga usa ka timaan ibabaw sa usa ka bungtod.] (Isa 30.15-17)
Ang mga Israelinhong kasundalohan adunay daku nga gidaghanon, busa, kon sila nagpabilin lang nga kalmado ug kumpleto gayud nga misalig sa Dios, ug misunod Kaniya, sila naka-padayon unta nga maisugon ug mapursigehon. Apan wala silay kusog tungod kay dili sila makasalig. Sila miingon, “Ang mga kaaway hilabihan ka daku pa ang gidaghanon kay kanato, ang ilang puwersa banggiitan kaayo, busa, mo-kalagiw ta. Dili, dili pa pa-igo ang ka-paspas niini, busa, mo-kalagiw ta nga mosakay sa mas paspas nga mga kabayo.” Sanglit sila mi-kalagiw gihapon, pinaagi sa pagsinggit sa usa ka kaaway sa likod, ang usa ka libo ka katawhan mangapalid. Kung ang lima mobadlong kanila, silang tanan mo-kalagiw ug mangahanaw. Si Moises lamang ang nahabilin nga sama sa nag-kaway’kaway nga bandila ibabaw sa tumoy sa bungtod. Busa, ang Dios maka-kinabuhi ba nga mosalig sa mga pumuluyo nga sama niini? Kinahanglan nga mahimo kamo nga mao kadtong mahabilin hangtud sa katapusan. (Nanambong “Amen) Kamo nagkurog sa kahadlok sa pagka-kita sa kaaway; kamo nagkurog sa kalisang sa pagka-karon, nga wala gani misulay nga makig-away. Mga kaigsoonan, malagmit nga kamo nagkurog sa makadaghan, sanglit ang duha ka mga nasud mi-alsa man.
[Ug busa, si Jehova magahulat nga mahimong puno-sa-grasya para kaninyo. Ug tungod niini nga Siya paga-bayawon, aron nga Siya ma-adunay kalooy diha kaninyo. Kay si Jehova usa man ka Dios sa paghukom; bulahan kadtong tanan (nga dili mobudhi ug) magahulat Kaniya.] (Isa 30:18)
Sa panahon nga magahulat si Jehova, nan, kinahanglan lang nga kamo magahulat uban Kaniya. (Nanambong “Amen) Ug kung si Jehova moingon nga, “Tana,” nan, ang bugtong ninyong buhaton mao ang pag-lakaw uban Kaniya. Apan ang katawhan wala nakahimo sa paghulat nga sama niana. [Ug busa, si Jehova nagahulat aron mahimong manggi-hatagon para kaninyo. Ug tungod niini nga Siya paga-bayawon, aron nga Siya ma-adunay kalooy diha kaninyo. Kay si Jehova usa man ka Dios sa hustisya; bulahan kadtong tanan (nga dili mobudhi ug) magahulat Kaniya.]
[Ikaw magatipig kaniya diha sa hingpit nga kalinaw, kansang hunahuna naga-pabilin diha Kanimo; tungod kay siya misalig man Kanimo (hangtud sa katapusan, nga Ikaw dili mobudhi.) Sumalig kamo kang Jehova hangtud sa kahangturan; kay diha sa GINOONG JEHOVA, anaa ang walay pagkatapus nga kusog] (Isa 26:3,4) [diin diha Kaniya walay … landong sa pagka-usab.] (San 1:17)
Ako nagalaum nga kamo mosalig sa atong Appa hangtud sa katapusan, Siya nga nahigugma kanato, kinsa dili gayud mo-buhi sa paggunit kanato, bisan kon sa kalayo o sa tubig man, diha man sa yungib sa leyon o sa bisan asa. (Nanambong “Amen)

Mga Manununod sa Uniberso
“Kanang Satanas nga Lucifer, kinsa naliso sa pagkahimong daut-ug-utok, maoy nagplastar sa bug-os nga mga pag-plano aron pamatyon ang kaanakan, nga maoy mahimong manununod sa matag hugna sa panahon. Apan bisan makausa, wala gayud siya molampos nga pinasubay sa iyang mga plano. Hinonoa, ang mga plano ni Satanas nanga-balit’ad diha sa kumpleto nga pagka-sukwahi, pinaagi sa iyang kaugalingong kaliwatan nga nangapukan ngadto sa pagkamatay sulod sa mga lit-ag ug mga laang nga iyang gihimo.”
Unsa ang hilabihan gayud nga pagdumot ni Satanas niining mga manununod, ngadto sa punto nga nag-plastar siya sa hingpit nga plano aron pamatyon sila, nga mi-plastar sa mga lit-ag ug mga laang, nga pinaagi niini, sila dili na maka-ikyas pa.
★ Ang yungib sa leyon para kang Daniel, (maoy lit-ag ni Satanas nga mi-usab sa nasudnong balaod,) – aron sa tumong nga patyon kanang usa ka Daniel, nga ang gamhanang emperyo sa Babilonia, ang usa ka gingharian nga mibuntog sa kalibutan, miusab sa nasudnong balaod, aron lang patyon ang usa ka persona. Sa diha nga motungha ang manununod, ingon niini ang hilabihan nga kalagot ni Satanas ngadto kaniya, ug gi-yubit siya. Si Satanas napuno sa hilabihan ka dili-maagwanta nga kapungot. Aron sa tumong nga patyon kanang usa ka tawo, nga si Daniel, kinsa gidala ingon nga dinakpan, ang nasudnong balaod nianang gamhanan nga emperyo sa Babilonia maoy giusab.
★ Ang nagdilaab nga bung-aw sa pag-paig sa tulo ka mga higala, (maoy lit-ag ni Satanas nga mi-usab sa nasudnong balaod) – kining tulo ka mga higala, mao ang mga ministro sa maong estado. Apan aron sa tumong nga patyon kadtong tulo ka mga ministro sa estado nianang hilabihan ka daku nga gingharian, ang nasudnon nga balaod gi-utro na usab.
★ Ang entablado sa pagbitay kang Mardocheo (maoy lit-ag ni Satanas nga mi-usab sa nasudnong balaod,– kini usab mao ang mahitungod nianang igmat nga Aman, kinsa mi-agni ug mi-pugos sa hari nga usabon ang nasudnong balaod, aron sa tumong nga patyon kanang usa ka Mardocheo, tungod lang kay dili siya moyukbo kaniya, (kang Aman,) tungod kay siya, (si Mardocheo) usa man ka bastos ug mapasigarbohon. Busa, mao kining paagiha nga si Satanas napuno sa hilabihan ka dili-maagwanta nga pagdumot sa matag higayon nga makakita siya niining mga manununod. Mao kini ang rason kung ngano nga kon paga-dawaton kamo niini nga kalibutan, nan, kamo ang sinalikway nga katawhan. Apan kung kini nga kalibutan padayon nga magadumot kaninyo, ug maga-gukod kaninyo, nan paglipay kamo, tungod kay kini ang pruweba nga kamo usa ka manununod. (Nanambong “Amen” ug namalakpak)
★ Ang adlaw sa pagbitay kang Pedro, (ang hari sa iyang kaugalingon mismo maoy nagpahamtang niini,) – ang hari determinado nga patyon si Pedro mismo.
★ Ang daghan kaayo nga mga pag’lit-ag ug pag’laang sa katapusang Anak sa Tawo, (pila ka higayon nga mga pag-akusar ug pagsumbong diha sa mga korte sa estado) – ang katapusan nga Anak sa Tawo maoy gipasaka-an ug sumbong diha sa mga korte sa estado, sa pila ka mga higayon. Walay usa niining kalibutana, ibabaw niining yuta, nga nakapabiling dili sad-an, human mapasaka-an sa sumbong nga sama niini, nga 30 ngadto 40 ka mga higayon. Kon ang usa ka persona mapa-saka-an man ug sumbong sa 30 ngadto 40 ka mga higayon, nan, malagmit nga ma-silotan siya nga ang kinagamyan– 10 ngadto 20 ka hukom silot. Pastilan, sila naghimo’himo sa mga krimen ug gipatong dinhi Kanako, busa, unsaon man pagbarug ni bisan kinsa? Apan Ako walay bisan usa ka buok hukom nga silot, ug nagpabilin Ako nga inosenti! Kami naghangyo alang sa katin-awan gikan sa kriminal nga record, sulod sa pila na ka mga higayon. Kon Ako usa man ka nahukmang kriminal, nan, dili unta Ko makadawat sa ‘permanenti nga visa’ dinhi. Ang ingon niana nga klase sa katawhan maoy isalikway, bisan unsa pa nga nasud ang ilang adtoan. Wala gyud Ko naka-amgo kaniadto kung sa unsang paagiha nga ang tanang mga nasud dili gyud ganahan sa mga kriminal diha sa internasyonal nga hut-ong. Apan bisan kon Ako gisumbong man ug gi-akusahan sa daghang higayon nga sama niana, Ako walay bisan usa ka buok paghukom nga Ako sad-an. Sumala sa gipamulong ni Appa, “Kadtong maga-sumbong kanimo, mao hinoon ang Imong pagahukman sa silot,” sila lamang ang mopabilin ingon nga mga kriminal; Ako nahimong hinlo ug dili sad-an nga Pumuluyo. Ako nagalaum nga mosalig kamo sa atong Appa, nga maoy nag-gwardya kanato nga sama niini. (Nanambong “Amen” ug namalakpak)
[Walay kaalam ni pagsabut, ni pagtambang nga makig-batok kang Jehova.] (Pro 21:30)

○ Ang usa ka pagpakig-away taliwala nianang daut-ug-utok nga manolunda, kinsa nagsalimuang na – ug sa Magbubuhat, maoy dili gayud mahitabo, walay panag-sangka sa ingon niana.
Sanglit ang mga ahensya sa administrasyon ug pag-imbistigar sa duruha ka mga nasud gipalihok man ug mi-alsa, daw ang ‘Sey Chon-guk’ mapalid na palayo, dili ba? Kanang buang nga minugna nga manolunda, kinsa nahimong daut-ug-utok, maoy hungog nga walay bisan pangutok nga sama sa naga-gula sa usa ka ulo sa baboy.
Mga kaigsoonan, kamo maga-lakaw’lakaw sa gabii sa tanang panahon, nga mo-hangad sa puno-sa-bitoon nga kagabhion ug hayag-ang-bulan nga mga gabii, dili ba? Tan-awa lamang kanang mga bitoon. Daw kini sama sa harina nga gisabwag diha sa kalangitan. Daw sama sa usa ka sako nga harina nga na-yabo. Kinsa ang maka-ihap nianang tanan? Kadtong mga ‘scientist’ kinsa miingon nga sila naka-ihap niana, maoy diretso nga pagpamakak. Sulayi ang paglingkod ug pag-ihap sa harina nga na-yabo. Sila nagtawag niana nga mga pungpong sa mga bitoon, dili sila mga panganod, kanang tanan mga bitoon. Kanang demonyo dili gani maka-ihap niana, apan kanang minugna, kanang usa ka manolunda, nagsulay sa pagpakig-away sa Dios nga maoy nagmugna sa uniberso, nga nagtinguha sa pag-sakmit sa Iyang trono pinaagi’g puwersa, pinaagi’g kapintas, aron kawaton kini pinaagi’g kutsiyo .. sa tinuoray gayud, kini nga hut-ong sa pagka’ daut-sa-utok dili na masukod. Kini dili na makab-ot sa imahinasyon nga hut-ong sa pagka-buang. Kining demonyo uban sa ulo nga walay-ayo kay sa ulo sa baboy, maoy hilabihan gayud nga nakig-hagit ug buot makig-away sa Magbubuhat … ingon man usab, kadtong mga mamumuhat-sa-dautan nga iyang gipanganak, silang tanan mga tae-sa-baboy. Ang ilang tibuok kinabuhi, mao lamang ang pagkaon sa mga kinalibang, ug nagalihok sa pamaagi nga nangalisbo sa kinalibang hangtud nga sila mangamatay. Dili na kinahanglan nga magtagad pa sa mga pumuluyo nga sama niana. Sa dihang nakita Nako nga ang duha ka mga nasud mi-alsa, Ako naghunahuna sa Akong kaugalingon, “Bah, dili angayan nga mahisama niini. Angayan unta nga mo-alsa sila batok kanamo, diha sa mas daku pa nga pamaagi….”
[Ang kabayo gi-andam na alang sa adlaw sa panggubatan, apan ang kadaugan iya man ni Jehova.] (Pro 21:31)
Ug busa, [Ang kabayo gi-andam na alang sa adlaw sa panggubatan, apan ang kadaugan iya man ni Jehova.] (Nanambong “Amen” ug namalakpak) Apan ang pagsaysay nga sama niini, tinuoray nga pagpasipala. Kini usa ka pag-insulto! Sa unsang paagiha nga si Jehova makig-away sa usa ka nabuang nga demonyo? Ug unsaon pagka-isip niana nga usa ka kadaugan? Ang pagsulti nga Siya nagmadaugon, nagkahulogan nga si Satanas wala makahimo sa pagpakig-kontra batok Kaniya. “Si Satanas nangahas sa pagpakig-hagit sa Dios, apan siya dili gayud mahimong ikaparang batok Kaniya.” Ang pagsaysay niini ingon nga kadaugan, tinuoray gayud nga hilabihan nga pag-insulto ug pagpaka-menos. Sa unsang paagiha nga ma-isip kini ingon nga ang Dios nakig-away sa demonyo, ug unya nakadaug? Angayan unta nga “Sa walay pagsapayan kung unsaon pa sa demonyo ang pagpakig-hagit sa Dios, siya dili gayud makadaug.” Kini sama ra sa pag-labay sa usa ka itlog ngadto sa dakung bato, dili ba?
[Sa pagdaug o pagka-lupig, ang pagpakig-gubat iya man ni Jehova. Ug Siya maga-tugyan niini dinhi sa atong mga kamot.] (1Sa 17:47, Korean Standard). Hinonoa, kadto lamang nagsulay sa pagpatay sa mga manununod, ang tanan nangamatay ug si Satanas maoy nabilin nga walay-sulod ang kamot.
[Lamang, nga dili ka mo-rebelde (o mobudhi) nga makig-batok kang Jehova, ni mahadlok sa katawhan sa yuta. Kay sila ang tinapay para kanato. Ang proteksyon nila, gilangkat na gikan kanila, ug si Jehova (ang mga ChinBumonim) maoy uban kanato. Ayaw pagka-hadlok kanila.] (Num 14:9)
Nahisulat nga dili sila puede nga mahimo natong ka-parang diha sa pakig-away; hinonoa, sila ang atong tinapay. Sukad ba nga nakakita kamo ni bisan kinsa nga nakig-away sa tinapay? Pastilan, i-isa ang inyong kamot kon kamo nakig-away ba sa tinapay. Kini ang sakto nga pamaagi sa pagsaysay niini. Pastilan, unsaon sa Magbubuhat ang pagpakig-away nianang nabuang nga demonyo, kansang IQ walay-ayo kay sa ulo sa baboy? Ang pulong nga “pakig-away” dili gani angayan nga paga-gamiton. Kini makapa-insulto. Sila ang atong tinapay, busa, ang bugtong natong buhaton mao ang pagkaon kanila. (Nanambong “Amen) Miingon sila nga ang usa ka langaw maoy pagkaon alang sa gamayng baki.
Karon, mga kaigsoonan, Ako nagpuyo nga nakig-uban kaninyo sa kinatibuk-an Nakong kinabuhi, hangtud nga Ako nahimo nang tigulang nga nag-edad sa 80 anyos. Ug busa, kamo kanunay nga ania tupad Kanako, ug nakakita Kanako nga nakig-away sa dili-maihap nga pagpakig-gubat. Busa, i-isa ang inyong kamot kon sukad ba nga kamo nakakita Kanako nga nalisang o nakulbaan, sa bisan unsa nga mga kaaway nga mi-abut aron mo-asdang. Sa walay pagsapayan kung unsa nga nasud o unsa nga kaaway – bisan sa panahon nga miadto Ko nianang gamhanan nga nasud nga China, bisan kon ang 50 ka milyon misulong man Kanako, o sa walay pagsapayan kung unsa ka bangis ang mga kaaway nga mihasmag Kanako, aduna bay bisan kinsa nga nakakita Kanako nga nahadlok o na-kulbaan? Wala kamo nakakita, dili ba? (Nanambong “Amen)
Bisan kon unsa pa ang emerhensya nga sitwasyon, sa walay pagsapayan kon ang mga kaaway mobabag man sa Akong dalan, Ako kanunay nga dili-padisturbo, hinonoa, naga-yubit sa mga kaaway. Ngano man? Tungod kay Ako man maoy modaug! Tungod kay Ako man ang mopatay kanila! (Nanambong “Amen” ug namalakpak) Sila Akong pagkaon, busa, unsay angay kahadlokan? Ako maoy mopatay kanila, sila ang Akong pagkaon. Sultihi sila nga dili magbinuang sa Ako! Dunganon Nako sa pagpapha kining tanan nga mga salbahis. Sa higayon nga Ako mobarug na, nan, tapus na! (Nanambong “Amen)
Bisan sa katapusan nga pakig-gubat diin ang mga kaaway sa yuta anaa sa panapos nga pag-salimuang, sila dili puede iparang Kanako. Si Satanas ug kadtong mga mamumuhat-sa-dautan maoy mangapukan ngadto sa ilang mga kamatayon, uban sa hilabihan ka makapa-amang nga pamaagi. Kadtong mga minatay na nga mga binuhat, paga-paigon sa makausa pa pinaagi sa nagsilaub nga silhig sa kalaglagan, aron mahanaw ingon nga aso, hangtud sa kahangturan. Ako mowagtang kanila nga ma-wala nay lama pa. (Nanambong “Amen” ug namalakpak)
[…sila misalibay kaniya, (sa anak sa tag-iya) pa-gawas sa parrasan ug gipatay siya. (Tungod niini … ang agalon sa parrasan … maga-abut ug molaglag niining mga saop, (nga mga mamumuno)….] (Luc 20:15,16)
Ang Akong katuyoan sa pag-anhi – Ako mianhi aron mohaling sa kalayo alang niining pang-tibuok kalibutan nga kasilinganan, ug hutdon sa pagpuo kadtong tanan nga mga mamumuno, kadtong mga demonyo nga mipatay sa Anak kinsa miabut sa miaging 2000 anyos, tungod kay Siya man ang manununod. (Nanambong “Amen” ug namalakpak)
Kita wala nay rason bisan gamay nga mahadlok pa niining kalibutan, ug niadtong mga demonyo, kadtong malapason nga kanasuran. Kita lamang ang bugtong nasud nga gi-ila sa uniberso, nga gi-ila sa langit. Mao nay hinungdan nga pinaagi sa atong mga manggugubat, aduna niadtong makig-diborsyo pa gani sa sulod sa Doalnara, dili ba ingon niana? Ang ingon niana nga klase sa katawhan dili na kinahanglan moadto pa sa bisan unsa nga kalibutanong korte. Ang Dios dili mo-ila niana nga nasud nga anaa sa gawas; ang usa ka malapason nga nasud, usa ka demonyo nga nasud. Kinahanglan nga kita lamang ang mosulbad niini, nga pinasubay sa mga balaod sa atong nasud. (Nanambong “Amen)
Ang bugtong nasud nga ang langit ug uniberso naga-ila niini, mao ang Decalogo, kining Doalnara, kita lamang. Kon ang duha ka katawhan magkasabut man nga mag-diborsyo dinhi sa atong nasud, ang usa ug bugtong usa ka klase sa uniberso, nan, sila yano lang nga mopahibalo sa asembleya heneral, ug kon ang tinagsa’tagsa ma-aduna nay sertipiko sa pag-diborsyo, nan, mao na kana. Dili na kinahanglan mo-gukod’gukod pa sa kalibutanon nga mga korte, aron mosulti niadtong mga malapason nga pumuluyo, “Gusto ko mo-aplikar para sa pagpakig-diborsyo” o “Palihug buhata ni ug buhata na para sa ako.” Kinahanglan lamang nato sulbaron kini, nga pinasubay sa mga balaod sa atong nasud. (Nanambong “Amen)
Nan kung mao, ngano nga si Junim, kinsa wala gayuy kahadlok bisan gamay, moadto man sa suba aron moampo sa ma-adlaw ug ma-gabii? Wala Ko moadto didto aron mo-ampo tungod kay nahadlok Ko sa mga kaaway. Akong gina-gukod si Appa tungod kay Ako nahigugma kaayo Kaniya. (Nanambong “Amen) Ang mga butang nga sama sa mga kaaway – bisan kon Ako nakig-away sa dili-maihap nga mga pakig-gubat hangtud karon, walay bisan usa ka buok kaaway nga nagpa-lisang Kanako. Ang China 1.4 ka bilyon, 1.4 ka binilyon. Ug adunay kulang’kulang dos sientos ka milyon dinhi, (sa Brazil.) Busa, bisan kon ilakip ang Korea, kini mo-sumada lamang sa mga 250 ka minilyon. Apan ang ingon niana ka walay hinungdan, kana walay pulos lamang para Kanako.
Nan kung mao, ngano nga Ako moadto man sa suba aron moampo sa ma-adlaw ug ma-gabii nga sama niini? Kana tungod kay Ako hilabihan kaayo nga nag-enjoy sa pagpakig-tagbo sa Akong Aboji, nga Kami lang gyud duha. Sa kanhing panahon, ang relasyon taliwala sa Amahan ug sa Anak, maoy naputol gumikan sa mga krimen sa katawhan. Ug busa, Ako nakig-bisug uban sa hilabihan nga pag-agulo nga nagsulay nga dili gayud mo-buhi Kaniya, tungod kay kami naputol na. Apan mao kanay hinungdan nga Ako naglibut’libut nga naga-ampo. Ako naglatagaw sa Bukid sa Songni tungod kay Ako naputol man gikan sa Akong Aboji. Apan karon, dinhi niining krus nga dalan, diin natapus na Nako ang tanang buhat sa pagka-tawhanon, ug buhat sa pagsakripisyo, Ako hilabihan ka malipayon ug nag-enjoy sa panahon nga Akong gipahimuslan sa pagpakig-tagbo kang Appa. (Nanambong “Amen) Mao nay hinungdan nga Ako moadto bisan kon ma-adlaw man o ma-gabii, sa matag higayon nga Ako adunay panahon. Ang Akong dapit ampoanan nindot kaayo, mas hayahay ug mainit-init kay sa Akong lawak. Mao ‘nay hinungdan nga sa matag higayon nga ma-anaa Ko sa lawak, gusto lang gyud Ko moadto didtong dapita.
Kung moingon nga pag-ampo nga walay hunong, dili kana usa ka butang nga imong pugson ang imong kaugalingon sa pagbuhat. Unsaon ni bisan kinsa ang pag-ampo sa ma-adlaw ug ma-gabii nga walay hunong? Dili kana posibli. Apan kini mahitabo nga natural lang tungod kay ang pagpakig-tagbo Kaniya mohimo man Kanako nga mobati sa hilabihan nga pagmaya ug kalipay. Mga kaigsoonan, kon ang usa nga imong gihigugma naga-lingkod sa daplin sa suba, puede ba diay nimo ma-balewala lang kini? Kon ang imong mahigugmaon nga sweetheart, naglingkod daplin sa suba, ug kon kamo nagsinaaray nga didto magtagbo, nan, aduna bay bisan kinsa nga moingon, “Whew, naa koy naga-bagting nga ka-labad sa ulo karong adlawa, busa, dili ko maka-adto”? Bisan pa kon aduna kamoy naga-bagting nga ka labad sa ulo, kamo mobati nga ma-arang’arang kung kamo magka-tagbo na, ug mao kanay hinungdan nga padayon kamo nga moadto aron makig-tagbo sa inyong sweetheart. Ug ingon nianang paagiha nga kamo mosangko nga maga-ampo nga walay hunong. Bisan pa kon kamo ma-anaa sa panimalay, kanunay kamo nga mag-istoryahanay, ug mao kanang paagiha nga kini mahitabo nga natural lang nga sama niana. Ang pag-ampo nga walay hunong, dili posibli nga mahitabo. Apan kon usa kini ka relasyon kauban sa usa nga imong gihigugma, kauban sa imong sweetheart, nan, kini posibli.
(Sa pagtan-aw sa batan-on nga magtiayon sa Iyang atubangan) Sakto ba? Kamo pupareho man usab niana, dili ba? (Si Junim mikatawa ug ang nanambong mikatawa)
Mao kanay hinungdan nga alang kini niana nga klase sa katawhan nga ang uniberso gikahatag ingon nga panulondon. Ako nagalaum nga kamo labing sigurado gayud nga mahimo nga mao kadtong modawat sa uniberso ingon nga panulondon. (Nanambong “Amen” ug namalakpak)
[Ikaw ang Akong Anak … Akong ihatag ang kanasuran alang sa Imong panulondon; ug … aron Imong panag-iyahon.] (Sal 2:7,8)
[Ang matarung (nga mga manununod) maoy mopanunod sa yuta, ug magapuyo dinhi niini hangtud sa kahangturan.] (Sal 37:29) Amen! Haleluya!!
Karon, awiton ba nato ang usa ka malipayon nga alawiton? Karong adlawa maoy usa ka malipayon nga adlaw, dili ba? (Nanambong “Amen) New Song 1059.
‘Nia Ko dinhi, busa, ayaw kahadlok, ug pagpuyo nga malipayon gayud. (Nanambong “Amen” ug namalakpak)

Read Full Post »