TAN-AWA!
Kinsa Na sila nga mosinggit ngadto sa Kalibutan: Tan-wa, ang Kordero sa Dios, ang Anak sa Tawo nga mikuha pahilayo sa sala sa kalibutan?
Sila mao kadto nga nakadawat sa silyo sa buhi nga Dios diha sa ilang toong kamot ug mga agtang, nga midawat sa puti nga bato diin nakasulat ang bag-ong ngalan sa Dios ug ang ngalan sa Bag-ong Jerusalem.
TAN-AWA!
Kinsa Na sila nga misakay sa karwaheng Panganod ug gawasnong nanglupad sama sa mga langgam sa kahanginan?
Sila mao kadto, ang nagmadaugong Israel nga nakig away sa katapusang gubat sa Armageddon ug midaug;
Sila mao kadto, ang matag usa nga nagmadaugon nga mibuntog sa demonyong nilutong pagkaon ug nagkinabuhing masingkamuton sa Pagkaong Eden ug nangahimong Tinuod nga mga Tag-iya sa Eden nga Paraiso.
Tan-awa!
Kinsa Na sila nga nagalingkod sa dose ka mga trono sa paghukom ingon nga mga Talahorong maghuhukom?
Sila mao kadto nga milatas sa grabeng pagsulay ug paglutos, pagdaut sa dungog, ug akusasyon sa kalibutanong korte, dili patas nga paghukom, pagka bilanggo, condemnasyon ug kamatayon.
Tan-awa!
Kinsa Na sila nga nagadumala sa kalibutan ingon nga mga Hari niini ug nangahimong Dekalogong Magbalantay nga mga Dios sa uniberso?
Sila mao kadto nga miantos sa kaulawan, pagkadili patas, giulipon sa mga way kalooy nga mga amo, pagdaugdaug, ug milatas sa masakit nga pagsulay ug probidensya sa universal nga paghimugso.
Tan-wa!
Kinsa Na sila nga nanglupad sama sa langgam sa kahanginan ug mibyahe gikan sa galaksiya ngadto sa galaksiya ug planeta ngadto sa planeta sa tibook uniberso?
Sila mao kadto nga mga Balaang mga Dios nga nagmadaugon sa pakigubat batok sa demonyong kaugalingon ug nangahimong Walay Kaugalingon Personahe; ug
Sila mao kadtong nagmadaugon sa pakigubat batok sa sala, batok sa mga limbong ni Satanas pinaagi sa matam-is nga temtasyon ug mapait nga pagdagmal.
Tan-wa!
Kinsa Na sila nga nangahimong Pangasaw-onon sa Kordero, ang Langitnong Principe?
Sila kadtong mga labing ubos sa katilingban; mga tawhanong bigaon nga gipanagtawag sa kumbiti sa kasal sa Anak sa Hari sa uniberso, ug mitubag sa pagtawag.
Tan-wa!
Kinsa Na sila nga nagasunod kanunay sa Kordero bisan asa siya moadto?
Sila kadto nga nangaluwas tungod sa Iyang kaugalingong dugo pinaagi sa Iyang sakripisyo sa Krus sa mga Bigaon ug nagpabiling putli nga Pangasaw-onon hangtud sa katapusan, ug nangahimong mga asawa sa Pamanhonon, ang Langitnong Principe, nga nahimong ilang eternal nga Bana hangtud sa kahangturan. Amen.
Secretwarrior7k 